نەوا-
دادگای باڵای فیدراڵی عیراق سكاڵایەكی دژی سەرۆكی حكومەتی هەرێمی كوردستان رەتكردەوە.
بەگوێرەی راگەیاندنی داواكە، سروە عەبدولواحید ئەندامی ئەنجومەنی نوێنەرانی عیراق سكاڵایەكی دژی مەسرور بارزانی سەرۆك وەزیرانی هەرێمی كوردستان تۆمار كردوە تیایدا داوای كردوە، حوكم بدرێت لەسەر هەڵوەشاندنەوەی ئەو بڕیارانەی لەلایەن حكومەتی هەرێمی كوردستانەوە دەركراون ئەگەر هاتو لەماوەی 3 مانگدا هەڵبژاردن بەڕێوەنەچێت.
دادگای باڵای فیدراڵی لەبارەی ئەو دۆسیەیەوە بڕیاری یەكلاكەرەوەی راگەیاندوەو ئاماژەی بەوە كردوە، داواكەیان رەتكردۆتەوە بەهۆی نەبونی تایبەتمەندێتی داواكە بە دادگاكەیانەوە.