نەوا-
كارەبای سلێمانی بڵاویكردەوە، نرخی یەك ئەمپێر كارەبای مۆلیدە بۆ مانگی تەممووز لە نێوان 15 هەزار بۆ 16 هەزار دیناردا دەبێت.
بەرێوەبەرایەتی كارەبای سلێمانی رایگەیاند، ئەمڕۆ یەكشەممە لیژنەی دیاریكردنی نرخی موەلیدە ئەهلییەكان كۆبووەوە و بەپێی نرخی سوتەمەنی لە بازاڕەكاندا نرخی هەر كاتژمێرێك بۆ یەك ئەمپێر 42 دینارە،‌ بەمەش نرخی یەك ئەمپێر كارەبای موەلیدە لە گەڕەكەكان لە سلێمانی لەنێوان 15 هەزار بۆ 16 هەزار دیناردا دەبێت.
ئاماژەی بەوەشدا، بەو پێیەی موەلیدەكان لە نێوان 365 بۆ 380 كاتژمێر كاریان كردووە، بەهۆی جیاوازی كاركردنیان، نرخی ئەمپێرێك لە گەڕەكێك بۆ گەڕەكێكی دیكە جیاواز دەبێت.
جەختیش لەوەكراوەتەوە، خشتەی كارپێكردنی موەلیدە بۆ مانگی تەمووز (24) كاتژمێری دەبێت واتە هەركاتێك كارەبای نیشتیمانی كوژایەوە پێویستە موەلیدەكان كارەبا بدەن بە هاوڵاتییان.