نەوا-
لە باشوری لوبنان روبەڕوبونەوەو پێكادان لەنێوان چەكدارانی حزبوڵڵاو هێزێكی پیادەی ئیسرائیل رویدا.
حزبوڵڵای لوبنان لە راگەیانراوێكدا ئاماژەی بەوەداوە، چەكدارانیان بەرپەرچی هێزێكی پیادەی ئیسرائیلیان داوەتەوە كە هەوڵیداوە بچێتە ناو شارۆچكەی عەدیسە سەر بە پارێزگای نەبتییە لە باشوری لوبنان.
راشیگەیاندوە، لەكاتی بەرپەرچدانەوەكەدا پێكادان لەنێوان چەكدارانی حزبوڵڵاو هێزەكەی سوپای ئیسرائیل رویداوەو زیانیان بە هێزەكەی ئیسرائیل گەیاندوە، هەروەها ناچار كراون پاشەكشە بكەن.