نەوا-
بەسەدان زیارەتكار لەشاری كەربەلا بەهۆی هەناسە توندیەوە رەوانەی نەخۆشخانە كران و چارەسەر كران.
بەهۆی لێچونی غازی كلۆرەوە لە یەكێك لە پرۆژەكانی ئاو لە شاری كەربەلا، بە سەدان زیارەتكار كە بەمەبەستی رێوڕەسمەكانی چلەی ئیمام حسێن لەو شارەن دوچاری هەناسەتوندی بون.
لەوبارەیەوە سەرچاوەیەك لە وەزارەتی تەندروستی عیراق رایگەیاندوە، ژمارەی ئەو زیارەتكارانەی هەناسەیان توندبوەو رەوانەی نەخۆشخانە كراون گەیشتوەتە 621 حاڵەت و سەرجەمیان نەخۆشخانەیان جێهێشتوە.
ئاماژەشیكردوە، روداوەكە بەهۆی دزەكردنی غازی كلۆرەوە بوەو سەرجەمیان چارەسەری پێویستیان بۆ كراوەو تەندروستیان جێگیر بوەتەوە.