نەوا-
فوئاد حوسێن وەزیری دەرەوەی عیراق دوای كۆبونەوەی لەگەڵ هاكان فیدان وەزیری دەرەوەی توركیا لە شاری بەغداد لە كۆنگرەیەكی رۆژنامەوانیدا رایگەیاند، سەردانەكەی فیدان بۆ بەغدا بۆ گفتوگۆكردنە لەسەر پرسی ئاو كە بایەخی هاوبەشی هەیە بۆ هەردو وڵات، دوای تاوتوێكردمی پرسی ئاو رێككەوتنامەیەكیان سەبارەت بە چۆنیەتی بەڕێوەبردنی ئاو لەگەڵ توركیا واژۆ كردوە.
هەر لە كۆنگرە رۆژنامەوانیەكەدا هاكان فیدان رایگەیاند، لەگەڵ بەغدا باسیان لە كاری هاوبەش لەبوارەكانی ئاو و بازرگانی كردوە، ئەو رێككەوتنامەیەی كە لەگەڵ عیراق دەربارەی پرسی ئاو واژۆ كراوە یەكەمین رێككەوتنە سەبارەت بەو پرسە.