نەوا-
دۆناڵد ترەمپ سەرۆكی ئەمریكا ئەمڕۆ كۆتاییهاتنی داخستنی 43 رۆژەی حكومەتی راگەیاند كە كەرتە گرنگەكانی ئابوریی وڵاتەكەی پەكخستبوو.
دوای پەسەندكردنی پڕۆژەیاسایەك لەلایەن ئەنجومەنی نوێنەرانەوە كە كۆتایی بە درێژترین داخستنی حكومەت لە مێژووی وڵاتەكەدا هێنا دۆناڵد ترەمپ رایگەیاند: كۆتایی ئەو داخستنە رادەگەیەنم، و بینیمان بازاڕی بۆڕسە گەیشتە بەرزترین ئاست.
دەشڵێت: بە واژووكردنی ئەم یاسایە، ئێستا حكومەتی فیدراڵی دەست بە كارە ئاساییەكانی دەكاتەوە.