لەگەڵ خێرابوونی ڕیتمی ژیانی ڕۆژانە، دەستكەوتنی خەوێكی ئارام بووەتە تەحەدایەك بۆ زۆر كەس.
ڕاپۆرتە تەندروستییەكان ئاماژە بەوە دەكەن كە هەندێك خواردنەوەی سروشتی پێش خەوتن ڕۆڵێكی كاریگەر دەگێڕن لە ئارامكردنەوەی جەستە و مێشكدا، گرنگترینیان ئەمانەن:
چای بەیبوون ماددەی "ئەپیجینین"ی تێدایە كە دڵەڕاوكێ كەمدەكاتەوە و یارمەتی حەسانەوە دەدات.
شەربەتی گێلاسی ترش: بە شێوەیەكی سروشتی "میلاتۆنین"ی تێدایە، كە هۆرمۆنی بەرپرسە لە ڕێكخستنی كاتی خەوتن.
چای ڕەگی ڤالێریان (ناردیین): وەك هێوركەرەوەیەكی سروشتی بۆ كۆئەندامی دەمار بەكاردێت.
شیری گەرم: ترشی ئەمینی "تریپتۆفان"ی تێدایە كە یارمەتی دەردانی هۆرمۆنی بەختەوەری و خەو دەدات.
شیری بادەم: دەوڵەمەندە بە مەگنیسیۆم كە ماسولكەكان خاو دەكاتەوە.
شیری زێڕین (تێكەڵەی زەردەچەوە و شیر): دژە هەوكردنە و یارمەتی جێگیربوونی ئاستی شەكرە دەدات لە كاتی خەودا.
سمووسی مۆز: مۆز و شیر بەیەكەوە بڕێكی باش مەگنیسیۆم و پۆتاسیۆم بۆ جەستە دابین دەكەن.
چای ئەشواگاندا و لاڤێندەر: هەردووكیان بە بۆن و تایبەتمەندییە هێوركەرەوەكانیان ناسراون و كوالێتی خەو باشتر دەكەن.
ئاو: ڕێگری لە وشكبوونەوەی جەستە دەكات، بەڵام باشترە پێش خەوتن زۆری لێ نەخورێتەوە بۆ ئەوەی خەو نەپسێنێت