نەوا-
سەرۆكی ئەمریكا رایگەیاند، ئیسرائیل و ئێران ئاگربەستیان پێشێلكردوەو نیگەرانە لە وەڵامدانەوەكانی ئیسرائیل.
دۆناڵد ترەمپ سەرۆكی ئەمریكا پێش بەشداریكردنی لە لوتكەی ناتۆ لە لاهای رایگەیاند، زۆر نیگەرانە لەوەی ئیسرائیل و ئێران ئاگربەستیان پێشێلكردوەو دوبارە هێرشیان كردوەتە سەر یەكتر.
وتیشی: دوای ئەوەی ئاگربەستی شەڕ چوەتە بواری جێبەجێكردنەوە، ئیسرائیل ژمارەیەكی زۆری بۆمی لەئاسمانی ئێرانەوە خستوەتە خوارەوەو ئەمەش زۆر نیگەرانی كردوە.
سەرۆكی ئەمریكا داوای لە ئیسرائیل و ئێران كرد پابەندی ئاگربەستەكەبن و دۆخەكە هێور بكەنەوە، چونكە بارودۆخی رۆژهەڵاتی ناوەڕاست ئارام نابێت.