هەفتەی داھاتوو سەرجەم وەزیرەكان ئاڵوگۆڕیان پێدەكرێت

6 رۆژ پێش ئێستا
جوتیار عادل وتەبێژی حكومەتی ھەرێمی كوردستان

نەوا
وتەبێژی حكومەتی ھەرێمی كوردستان وتی، رۆژی پێنج شەممە ئاڵوگۆر لە پۆستی وەزیری دوو وەزارەتدا كرا و هەفتەی داھاتووش سەرجەم وەزیرەكان ئاڵوگۆڕیان پێ دەكرێت.
جوتیار عادل وتەبێژی حكومەتی ھەرێمی كوردستان، بە ماڵپەڕی فەرمیی پارتی راگەیاندووە، "ئاڵوگۆڕی وەزیرەكانی كابینەی نوێ لەگەڵ وەزیرەكانی كابینەی پێشوو دەستی پێ كردووە و وەكو ھەنگاوی یەكەمیش رۆژی 11ی تەمموز گۆڕانكاری بە دوو وەزیر كرا و پرۆسەكەش بەردەوام دەبێت، تاوەكو گۆڕانكاری لە سەرجەم وەزارەتەكاندا دەكرێت".
وتیشی: "تاوەكو هەفتەی داھاتوو ئاڵوگۆڕ لە سەرجەم وەزیرەكان دەكرێت و كابینەی نوێ دەست بەكارەكانی دەكات".
دوای ئەوەی رۆژی چوارشەممە 10-7-2019 لایەن پەرلەمانی كوردستانەوە متمانە بە كابینەی نۆیەمی حكومەتی هەرێمی كوردستان درا، رۆژی پێنج شەممە سەرۆكی حكومەتی ھەرێمی كوردستان یەكەم دانیشتنی لەگەڵ وەزیرەكانی كابینەی نوێی حكومەتی ھەرێمی كوردستان بەڕێوە برد.

شەپۆلەکانی نەوا

Copyright © 2017 - Radio Nawa. Designed and Developed by Avesta Group