راپۆرته‌ رۆژنامه‌وانیه‌كان: نیمار ده‌یه‌وێت بگه‌ڕێته‌وه‌ به‌رشه‌لۆنه‌

22/03/2021 وەرزش

نه‌وا
راپۆرته‌ رۆژنامه‌وانیه‌كان باس له‌وه‌ده‌كه‌ن: جارێكى تر نیمار داسیلڤاى به‌ڕازیلى ده‌یه‌وێت بگه‌ڕێته‌وه‌ یانه‌ى به‌رشه‌لۆنه‌، ئه‌وه‌ش دواى ئه‌وه‌ى جارێكى تر دانی به‌وه‌دانا كه‌ هه‌ڵه‌ى كرد یانه‌كه‌ى جێهێشت.

رۆژنامه‌ى "ئیل لۆتیراڵ"ى ئه‌رجه‌نتینى بڵاویكردوه‌ته‌وه‌: نیمار تائێستاش به‌رشه‌لۆنه‌ى خۆش ده‌وێت و داواى له‌ به‌ڕێوه‌به‌رى كاره‌كانى كردوه‌ كه‌ ئاسانكارى بكات بۆ گه‌ڕانه‌وه‌ى بۆ ئه‌و یانه‌ ئیسپانیه‌.
ئه‌وه‌ش هاتوه‌: نیمار ساڵى 2019 بۆ 2020یش نزیك بوه‌ له‌ گه‌ڕانه‌وه‌ بۆ به‌رشه‌لۆنه‌، به‌ڵام به‌هۆى كێشه‌ى داراییه‌وه‌ گرێبه‌سته‌كه‌ وه‌ستا، ئه‌وه‌ش به‌هۆى كێشه‌ى دارایى له‌نێوان یانه‌ى پاریس سانجێرمان و به‌رشه‌لۆنه‌ بوو له‌سه‌ر 20 ملیۆن یۆرۆ.
له‌ساڵى 2017 نیمار به‌ گرێبه‌ستێكى خه‌یاڵى كه‌ 222 ملیۆن یۆرۆ بوو له‌ یانه‌ى به‌رشه‌لۆنه‌وه‌ ڕویكرده‌ یانه‌ى پاریس سانجێرمانى فه‌ره‌نسى، كه‌ نرخى شكاندنى گرێبه‌سته‌كه‌ى بو.

شەپۆلەکانی نەوا

Copyright © 2017 - Radio Nawa. Designed and Developed by Avesta Group