كۆماری ئیسلامی ئێران بڕیارێكی بۆ ئەو گەشتیارانە دەركرد كە بە نیازن بە ئۆتۆمبێلی خۆیان گەشت بۆ ئەو وڵاتە بكەن.
بەڕێوەبەرایەتی كۆمەڵگای دەروازەی نێودەوڵەتی باشماخ لە راگەیەنراوێكدا بڵاویكردۆتەوە، ئەو گەشتیارانەی كە بە ئۆتۆمبێلی تایبەتی خۆیان گەشت دەكەن بۆ وڵاتی ئێران لەبەرواری 16-6 دەبێت تابلۆی ئۆتۆمبێلەكانیان تابلۆی ژمارە نوێكان بێت، واتا تابلۆ كۆنەكان كاریان بۆ ناكرێت لە دیوی ئێرانەوە رێگەیان پێ نادرێت گەشتەكەیان ئەنجام بدەن.
بەڕێوەبەرایەتییەكە داوای لە گەشتیاران و هاوڵاتیان كردوە پابەندبن بەڕێنماییەكانەوە ئەم بڕیارەش لەلایەن كۆماری ئیسلامی ئێرانەوە دراوە .