نەوا
مۆرگان ئۆرتاگۆس وتەبێژی وەزارەتی دەرەوەی ئەمریكا پیرۆزبایی لە ئیمزاكردنی رێككەوتننامەی نێوان سوودانییەكان كردو بەسەرەتای پێكهێنانی حكومەتێكی مەدەنی راگوزەری ناوی برد.
هەروەها دەستخۆشی لەو هەوڵانەش كردووە كە یەكێتی ئەفریقا و حكومەتی ئەسیوپیا لەپێناو گەیشتن بە رێككەوتن و ئیمزاكردنی رێكەوتنامەكە ئەنجامیانداوە.
وتەبێژەكەی وەزارەتی دەرەوەی ئەمریكا راشیگەیاند: وڵاتەكەی لە چاوەروانی سوێندخواردنی دەستووری ئەنجومەنی سەروەرییە لە 19ی ئابدا و پاشان دیاریكردنی سەرۆك وەزیران لە 20ی ئەم مانگە.
تەئكیدی لەوەشكردەوە: واشنتۆن بەردەوامدەبێت لەپاڵپشتیی گەلی سودان لە هەوڵەكانی بۆ حكومەتێك كە مافی هەموو هاوڵاتیان بپارێزێت و هەڵبژاردنێكی پاك و ئازاد ئەنجامبدات.
ئەوەش لەكاتێكدایە هەردوو لایەنی سودانی ئەنجومەنی سەربازی حوكمڕان لەو وڵاتە و هێزەكانی ئازادی و گۆڕانكاری ئیمزایان لەسەر هەردوو بەڵگەنامەی راگەیاندنی دەستووری و راگەیاندنی سیاسیكرد كەتایبەتە بەدابەشكردنی دەسەڵات لەماوەی قۆناغی راگوزەر.