نەوا
وەزارەتی تەندروستی عیراق رایگەیاند، لە 24 کاتژمێری رابردوودا زیاتر لە سێ هەزار حاڵەتی نوێی تووشبوون بە کۆرۆنا تۆمارکراون.

 بەپێی راگەیەنراوێکی وەزارەتی تەندروستی عیراق، لە 24 کاتژمێری رابردوودا سێ هەزار و 47 حاڵەتی نوێی تووشبوون بە کۆرۆنا لە سەرتاسەری وڵاتەکە تۆمارکراون.
راشیگەیاندووە، هەر لەوماوەدا، دوو هەزار و 583 تووشبوو چاکبوونەوە و 67 تووشبووش گیانیان لەدەستداوە.
بەپێی ئەو راگەیەنراوە تائێستا 140 هەزار و 603 حاڵەتی تووشبوون بە کۆرۆنا تۆمارکراون و لەو ژمارەیە 101 هەزار و 25 کەس چاکبونەتەوە و پێنج هەزار و 161 کەس گیانیان لەدەستداوە.