نەوا
بەڕێوەبەرایەتی تەندروستی كۆیە ئەنجامی پشكنینی 80 كەسی راگەیاند و باسی لەوەكرد، ئەنجامەكان نەرێنی بوون.
لە راگەیەنراوێكی بەڕێوەبەرایەتی تەندروستی كۆیەدا هاتووە، بۆ زیاتر دڵنیا بوون لە بڵاونەبونەوەی ڤایرۆسی كۆرۆنا 80 نمونەی پشكنینی كۆرۆنایان لەكارمەندی بەنزیخانە و دوكان و ماركێت و نانەواخانە و سەمونخانە و فرۆشگاكان وەرگرت، ئەنجامەكانیان دەرچوون.
باسی لەوەشكردووە، ئەنجامی سەرجەم ئەو 80 كەسە نەرێنی بووە، واتە هەڵگری ڤایرۆسی كۆرۆنا نین.
تەندروستی كۆیە داواشی لە هاوڵاتیان كردووە، پابەندی رێنماییەكان بن چوونكە تا ئێستا شارەكەیان لە رووی تووشبوون بە كۆرۆناوە پاكە.