نه‌وا
به‌ڕێوبه‌رایه‌تی ته‌ندروستی هه‌ولێر رایگه‌یاند، حه‌وت تووشبووی دیكه‌ی كۆرۆنا له‌و پارێزگایه چاكبوونه‌وه و به‌وه‌ش ژماره‌ی ئه‌و كه‌سانه‌ی چاكبوونه‌وه له هه‌ولێر گه‌یشتوه‌ته 125 كه‌س.
ڕاگه‌یه‌ندراوێك بۆ هاوڵاتیانی شاری هه‌ولێر
• هاوڵاتیانی خۆشه‌ویستی شاری هه‌ولێر پێتان ڕاده‌گه‌یه‌نین كه (۷) نه‌خۆشی تووشبوو به ڤایرۆسی كۆڕۆنا COVID – 19 دوای وه‌رگرتنی چاره‌سه‌ری پزیشكی به‌ته‌واوی چاكبوونه‌ته‌وه و باری ته‌ندروستییان ته‌واو جێگیر بۆته‌وه، وه پشكنینی تایبه‌تی یه‌كیان له‌دوای یه‌كی بۆ كرایه‌وه كه نێگه‌تیڤ بوو و بڕیاردرا بنێردرێنه‌وه‌ماڵه‌وه.
• كۆی گشتی چابووه‌كان گه‌یشته (۱۲٥) كه‌س.
• سوپاسی پابه‌ندبوونتان ده‌كه‌ین بۆ ڕێنماییه
خۆپارێزییه‌كان، جێبه‌جێكردنی ڕێنماییه‌كان زامنی زاڵبوونمانه به‌سه‌ر ئه‌م په‌تا جیهانیه.
• زۆر سوپاسی ماندووبوونی ته‌واوی پزیشكان و كارمه‌ندانی ته‌ندروستی و ته‌واوی هێزه‌كانی ناوخۆ ده‌كه‌ین كه پارێزگاری له ته‌ندروستی هاوڵاتیان ده‌كه‌ن.
د.دلۆڤان محمدفاتح جلال
به‌ڕێوه‌به‌ری گشتی ته‌ندروستی هه‌ولێر
۱۹ی نیسانی ۲٠۲٠