نەوا
شانەی راگەیاندنی ئەمنی سەربە وەزارەتی بەرگریی عیراق، كوژرانی چەكدارێكی داعش و برینداربونی یەكێكی دیكەی لە پارێزگای كەركوك راگەیاند.
شانەی ناوبراو راگەیەندراوێكی بڵاوكردەوە و تێیدا ئاماژەی بەوەداوە، دوو چەكداری داعش هەوڵیانداوە بە ئاراستەی گوندی مەقام سەربە ناحیەی ریاز لە باشوری خۆرئاوای كەركوك نزیك ببنەوە، بەڵام لەلایەن هێزە ئەمنییەكانەوە تەقەیان لێكراوە.
بەپێی راگەیەندراوەكە، لە ئاكامی تەقەكردنەكەدا، یەكێك لە چەكدارەكان كوژراوە و ئەوەی دیكەیش برینداربوە.