نەوا
سەرپەرشتیاری تەندروستیی توشبوانی كۆرۆنا لە سلێمانی دەڵێت "ژمارەی ئەو نەخۆشانەی بە ڤایرۆسەكە دووچاری هەوكردنی توندی سییەكان دەبن، روو لە هەڵكشانە، بۆیە تكایە خۆتان بپارێزن".
راگەیاندنی خۆپاراستنی تەندروستی سلێمانی لەسەر زاری دكتۆر هادی محەمەد عەبدوڵڵا پزیشكی پسپۆڕی كۆئەندامی هەناسەدان و سەرپەرشتیاری تەندروستیی نەخۆشەكانی كۆرۆناوە بڵاویكردوەتەوە "لە ماوەی 15 رۆژی رابردودا لە سلێمانی (130-140) نەخۆشی كۆرۆنا هەبوە، (25) لەو نەخۆشانە، هەوكردنی سییەكانیان هەبوە، (23) كەسیان هەوكردنی سییەكانیان مەترسیدارە، هەروەك (4)یان چاكبونەتەوە و (2) كەسیشیان باری تەندروستییان تێكچوە، یەكێكیشیان كۆچی دوایی كردوە".
ئەو پزیشكە پسپۆڕەی كۆئەندامی هەناسەدان وتوشیەتی "ژمارەی ئەو نەخۆشانەی بە كۆرۆنا دووچاری هەوكردنی توندی سییەكان دەبن، روو لە هەڵكشانە، بۆیە تكایە خۆتان بپارێزن".