هەپەگە: لە دوو رۆژدا 14 سەربازی توركیا كوژراون

09/07/2020

نەوا
هێزەكانی پاراستنی گەل ئاشكرایكرد، لە چەند چالاكییەكی گەریلادا لە باشوری كوردستان 14 سەربازی توركیا كوژراون، لە باكوری كوردستانیش 3 گەریلا شەهید بوون.
هێزەكانی پاراستنی گەل "هەپەگە" لە راگەیەندراوێكدا ئاشكرایكردووە، رۆژی سێشەممە هێزەكانیان لە دژی یەكەیەكی سەربازیی سوپای توركیا، كە لە گردی قەسرۆكێ جێگیر بوبون، چالاكیەكیان ئەنجامداوە و 12 سەربازی توركیا كوژراون.
هەروەها بەرەبەیانیی رۆژی چوارشەممەش گەریلاكانیان لە دژی هێزێكی سوپای توركیا لە ناوچەی شەشدارا، دوو چالاكییان ئەنجامداوە و دوو سەرباز كوژراون.
هەپەگە لەبارەی زیانەكانی گەریلاوە باسی لەوەكردوە، لە ناوچەی ماسیرۆ لە هەرێمی شرناخ لە باكوری كوردستان، بەهۆی بۆردومانی هەلیكۆپتەرەوە سێ گەریلا شەهید بوون، كە یەكێكیان فەرماندەیە.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group