نه‌وا
لە شاری کرماشانی رۆژهەڵاتی کوردستان سێ کرێکاری بەڕێوەبەرایەتی رێگاوبان بە هۆی پێنەدانی موچەی چەند مانگێکیان ئاگریان لە جەستەیان بەردا.
سەندیکای ئازادی کرێکارانی ئێران بڵاویکردەوە، سێ کرێکار لە بەردەم بەڕێوەبەرایەتی رێگاوبانی کرماشان خۆیان سوتاندووە.
راشیگەیاندوە، ئەو سێ کرێکارە لە دژی ئەوەی چەندین مانگە موچەکانیان دواکەوتووە پەنایان بۆ خۆسوتاندن بردووە.
تائێستا لەبارەی رێژەی سوتاویی و دۆخی تەندروستی ئەو سێ کرێکارەوە هیچ زانیارییەک بڵاونەکراوەتەوە.
لەماوەکانی رابردوودا بە هۆی خراپی دۆخی دارایی و دواکەوتنی موچەوە چەندین کرێکار لە ئێران و رۆژهەڵاتی کوردستان کۆتاییان بە ژیانی خۆیان هێناوە.