نەوا-
لیژنەی نەوت و گاز لەئەنجومەنی نوێنەرانی عیراق میوانداری بەڕێوەبەری گشتی كۆمپانیای نەوتی باكور دەكات.
عەلی لامی ئەندامی لیژنەی نەوت و گاز لە ئەنجومەنی نوێنەرانی عیراق رایگەیاندوە، هێزێكی تایبەت ژمارەیەك لە ئەندازیارانی كۆمپانیای نەوتی باكوری دەستگیر كردوە بەهۆی ئەوەی زانیاریان دەستكەوتوە كە لە رێگەیانەوە نەوت بەتاڵان براوە.
راشیگەیاندوە، لیژنەكەیان لە ئەنجومەنی نوێنەران بڕیاریداوە سەرەتای هەفتە میوانداری بەڕێوەبەری گشتی كۆمپانیای نەوتی باكور بكات تاكو لەبارەی ئەو روداوەی لە كۆمپانیاكەیان رویداوە سەرجەم زانیاریییەكان كۆبكەنەوەو دواتر بۆ رای گشتی ئاشكرا دەكەین.