نەوا-
بەگوێرەی راگەیەنراوێكی سوپای پاسدارانی ئێران لە ئەنجامی لێكۆڵینەوەكانیاندا دەركەوتوە كە ئیسماعیل هەنییە بە چەكی كورت مەودا كراوەتە ئامانج.
سوپای پاسدارانی ئێران رایدەگەیەنێت، لە لێكۆڵینەوەكانیاندا سەبارەت بە كوشتنی كوشتنی ئیسماعیل هەنییە سەرۆكی مەكتەبی سیاسیی بزوتنەوەی حەماس لە تاران ئەوە دەركەوتوە كە ئۆپەراسیۆنەكە لەڕێی موشەكێكی كورتمەودا كە كڵاوەیەكی جەنگیی بە كێشی زیاتر لە 7 كیلۆگرام هەڵگرتوەو لە دەرەوەی ناوچەی مانەوەی میوانەكان تەقێندراوەو بەهۆیەوە هەنییە كوژراوە.
ئاماژە بۆ ئەوەش كراوە، ئەم كارە لە لایەن رژێمی زایۆنییەوە بوەو جێبەجێ كراوە، هەروەها لەلایەن حكومەتی ئەمریكاوە پشتیوانیی كراوە، ئێمە لە كات و شوێنی گونجاودا وەڵامی ئەم كارە بە سزایەكی توند دەدەینەوە.