نەوا-
سوپای پاكستان رایگەیاند، ژمارەی ئەو كەسانەی بەهۆی هێرشە موشەكییەكانی هیندستان بونەتە قوربانی زیاترن لە 60 كەس.
ئەحمەد شەریف شودری ئەفسەری باڵای سوپای پاكستان باسی لەوە كردوە، ژمارەی ئەو كەسانەی لەئاكامی هێرشە موشەكییەكانی هیندستان گیانیانلەدەستداوە بەرزبوەتەوە بۆ 26 كەس و بریندارانیش گەیشتوەتە 46 كەس.
شودری ئاماژەی بەوەشكرد، ئەو موشەكانەی لە هندستانەوە ئاڕاستە كراون زیانیان بە مزگەوت و كلینكە پزیشكییەكان گەیاندوە، تەنها هێرشی موشەكی سەر مزگەوتی باهاوالپور گیانلەدەستدانی 13 كەسی لێكەوتوەتەوە كە ژن و منداڵیان لەناودایە هەروەها 37 كەسی دیكەش برینداربون.
سوپای هندستان چەند هێرشێكی موشەكی كردە سەر خاكی پاكستان و ناوچەكانی جامو كشمیری ژێر كۆنترۆڵی ئیسلام ئاباد.