نەوا-
هاوسەرۆكایەتی دەستەی بەڕیوەبەری كۆما جڤاكێن كوردستان كەجەكە لە راگەیەنراوێكدا بڵاویكردەوە ئەو هەنگاوانەی عەبدوڵا ئۆجەلان داوای لێكردون جێبەجێی دەكەن، بەڵام دەبێت هەمو لایەك لەوە تێبگەن كە پرۆسەكە بە شێوەیەكی یەكلایەنە پێش ناكەوێت.
ئاماژەی بەوەشدا، پێویستە هەمو لایەك بە راستی هەنگاوی پێویست بنێن بۆیە لەسەر ئەو بنەمایە دەبێت زیندانیكردنی عەبدوڵا ئۆجەلانیش كۆتایی بێت و ئازاد بكرێت.
هاوسەرۆكایەتی كەجەكە باسی لەوەشكرد، ئەركەكانیان لە پێناو ئاشتی و كۆمەڵگای دیموكراتی وەك هەنگاوێكی مێژویی جێبەجێ دەكەن لە بەرانبەردا توركیا، بەڵام حكومەتی ئێستای ئەو وڵاتە تا ئێستا بە پێی پێوستیی پرۆسەكە هەنگاوی نەناوە.
لە كۆتایی راگەیەنراوەكەی كەجەكەدا جەخت لەوە كراوەتەوە، ئەوان بەردەوام دەبن لەسەر هەر هەنگاوێك كە دەستكەوتی گەورەی بۆ گەل هەبێت لە پێناو ئاشتی و كۆمەڵگەی دیموكراتیدا بەڵام پێویستە پەرلەمان و دەسەڵاتی توركیا هەنگاوی راستەقینە بنێن لە پێناو بە ئامانج گەیشتنی پڕۆسەی چارەسەریی لە وڵاتەكەدا.