نەوا-
حكومەتی فیدراڵی عێراق بڕیاریدا ڕێگری لە هاوردەكردنی ئەو ئۆتۆمبێلانە بكات كە لە وڵاتی چین دروستكراون و ناوی براندە ناسراوەكانی وەك تۆیۆتایان لەسەرە.
وەزارەتی بازرگانی عێراق لە ڕێگەی نووسراوێكی فەرمیەوە كە لە 27ی نیسانی ئەم ساڵەوە دەرچووە، داوای لە دەستەی گشتی گومرگەكان كردووە پارێزگاری لە مافی خاوەندارێتی براندەكانی “تۆیۆتا، لێگزس، و هایلۆكس” بكەن.
نووسراوەكە بە ڕوونی ئاماژە بەوە دەكات كە پێویستە ڕێگری لە هاوردەكردنی هەر ئۆتۆمبێلێك بكرێت كە ناوی تۆیۆتای لەسەر بێت و لە چینەوە سەرچاوەی گرتبێت، ئەمەش بۆ پاراستنی مافی ئەو بریكارە فەرمییەی كە لە عێراقدا هەیە.
ئەم بڕیارە لە كاتێكدایە كە بازاڕەكان جەنجاڵ بوون بە ئۆتۆمبێلی چینی كە بە نرخێكی هەرزانتر لە براندە ڕەسەنەكان دەفرۆشرێن.