نەوا-
نوسینگەی راگەیاندنی محەمەد شیاع سودانی سەرۆك وەزیرانی عیراق بڵاویكردەوە، فەرماندەی گشتی هێزە چەكدارەكان سەردانی سنورەكانی نێوان عیراق و سوریای كردوە لەناوچەی قائیمی سەر بە پارێزگای ئەنبار.
ئاماژەشیكردوە، سودانی لە بارەگایەكی سەربازی سەرپەرشتی كۆبونەوەیەكی ئەمنی كردوە گوێبیستی ئەو رێوشوێنانە بوە كە لەلایەن سوپای عیراقەوە بۆ پاراستنی سنوری سوریا گیراونەتەبەر.
جێی ئاماژەیە، پێشتر دەستەی حەشدی شەعبی بڵاویكردبوەوە كە سەركردەیەكی داعشیان لە بیابانەكانی ئەنبار دەستگیر كردوە كە لە سوریاوە هاتوەتە ناو خاكی عیراقەوە.