نەوا
كۆمپانیای ژمێریاری دیلۆیت راپۆرتی فرۆشتنی نەوتی هەرێم لە نۆ مانگی ساڵی رابردووی بڵاوكردەوە.
بەپێی راپۆرتەكە، لە نێوان كانونی دووەمەوە تا كۆتایی مانگی ئەیلولی ساڵی 2020دا هەرێمی كوردستان 118 ملیۆن و 720 هەزار و 827 بەرمیل نەوتی لە رێگەی بۆریەوە هەناردەكردووە، بەم پێیەش هەناردەی نەوتی هەرێم لەو رێگەوە رۆژانە زیاتر لە 439 هەزار بەرمیلی نەوت بووە.
راشیگەیاندووە، داهاتی هەرێم لەو نۆ مانگەدا سێ ملیار و 176 ملیۆن و 136 هەزار و 721 دۆلار بووە.
رونیشیكردۆتەوە، هەرێمی كوردستان لەو ماوەیەدا یەك ملیار و 831 ملیۆن و 781 هەزار و 964 دۆلاری بۆ ماوەتەوە.
ئاماژەی بەوەشكردووە، تێكڕای نرخی هەر بەرمیلێك نەوتی هەرێم بە 31 دۆلار و 66 سەنت بووە.