نەوا-
وەزیری نەوتی عێراق رایگەیاند، لە ئێستادا ڕۆژانە 130 هەزار بەرمیل نەوت لە هەرێمی كوردستان بەرهەمی دێت.
حەیان عەبدولغەنی وەزیری نەوتی عێراق ، ئەمڕۆ چوارشەممە لە میانەی سەردانەكەی بۆ كەركوك بە ڕۆژنامەنوسانی راگەیاند، كۆمپانیا نەوتییەكان بەردەوامن لە كاركردن لەهەرێمی كوردستان و لە ئێستادا رۆژانە 130 هەزار بەرمیل نەوت بەرهەمدەهێنرێت، كە 50 هەزار بەرمیلی بۆ بەكارهێنانی ناوخۆیی دەبێت.
باسی لەوەشكرد، لەگەڵ حكومەتی هەرێمی كوردستان رێككەوتون كە ئەو 80 هەزار بەرمیلەی دەمێنێتەوە رادەست بكرێت بەمەبەستی هەناردەكردنی لەرێگەی سۆمۆوە، بۆ ئەو مەبەستەش دانوستان و گفتوگۆكانیان لەگەڵ وەزارەتی سامانە سروشتییەكان بەردەوامە بۆ وەرگرتنی نەوت و هەناردەكردنی.