نەوا-
ئەنجومەنی باڵای دادوەری عیراق بڵاویكردەوە، لەچوارچێوەی یاسای لێبوردنی گشتیدا بە هەزاران سزادراو ئازاد كراون.
ئەنجومەنی باڵای دادوەری عیراق سەبارەت بە ژمارەی ئەو زیندانیانەی بە یاسای لێبوردنی گشتی ئازاد كراون بڵاویكردەوە، لەچوارچێوەی جێبەجێكردنی یاسای هەمواركردنەوەی یاسای لێبوردنی گشتی لەسەرەتای ئەمساڵەوە تائێستا 31 هەزارو 452 سزادراو ئازاد كراون.
ئاماژەی بەوەشكردوە، ژمارەی ئەو كەسانەشی كە فەرمانی دەستگیركردن یان بانگهێشتكردنیان هەیە، هەروەها ئەوانەی بەغیابی سزا دراون گەیشتوەتە 12 هەزارو 893 كەس.
رۆژی 22/1ی ئەمساڵ پەرلەمانی عیراق یاسای لێبوردنی گشتی و دوبارە گەڕاندنەوەی موڵك و ماڵی بۆ خاوەنە رەسەنەكانیان و یاسای باری كەسی دەركردو چوە بواری جێبەجێكردنەوە.