نەوا-
ئەندامێكی ئەنجومەنی باڵای كۆمەڵی دادگەریی كوردستان دەڵێت،باشترین بژاردە رێككەوتنە لەگەڵ حكومەتی ناوەنددا.
عەبدولستار مەجید ئەندامی ئەنجومەنی باڵای كۆمەڵی دادگەریی كوردستان بڵاویكردوەتەوە، لەم هەلومەرجەدا باشترین بژاردە رێككەوتنە لەگەڵ حكومەتی عیراق، ئەمەش مانای تەسلیم بون نیە بەڵكو پابەندیە بە رێككەوتن و ژیانی هاوڵاتیانیش لەسەروی هەمو شتێكەوەیە.
عەبدولستار مەجید راشیگەیاندوە، پێشتریش لە هەندێك چاوپێكەوتنی كەناڵەكانیشدا هەمیشە قسەیان لەسەر ئەو بابەتە هەبوە.
هەفتەی رابردو ئەنجومەنی وەزیرانی عیراق بڕیاریدا لە كۆبونەوەی ئەم هەفتەیەدا بڕیار لەسەر ئەنجامی كۆبونەوەكانی لیژنەی پێكهێنراو بۆ داهاتە نەوتی و نانەوتییەكانی هەرێمی كوردستان بدات بەپێی رێككەوتنی نێوانیان، بەڵام لەكۆبونەوەی ئەنجومەنی وەزیراندا كە بەهۆی چلەی ئیمام حسێنەوە پێشخرابو، هیچ دەرەنجامێك بەدەستنەهات و بەو پێیەش بابەتی موچەو ناردنی شایستە داراییەكانی هەرێمی كوردستان دەكەوێتەوە هەفتەی داهاتو بەهۆی پشوی فەرمییەوە لە پارێزگاكانی ناوەڕاست و باشوری عیراق.