نەوا-
بەڕێوەبەرایەتی گشتی حەج و عومرەی هەرێم لیستی دوەمی كۆمپانیا رێگەپێدراوەكانی گواستنەوەی عومرەكاران بۆ وڵاتی سعودیە بڵاوكردەوە.
بەڕێوەبەرایەتی گشتی حەج و عومرەی هەرێمی كوردستان لە ئاگادارینامەیەكدا بڵاویكردوەتەوە كە سەرجەم هاوڵاتیان دەتوانن لەگەڵ ئەو كۆمپانیانە گەشتی عومرە بكەن كە بە شێوەیەكی فەرمی گرێبەستیان لەگەڵ بەڕێوەبەرایەتی گشتی حەج و عومرەدا كردوەو بەهیچ شێوەیەك لەگەڵ خەڵكانێك گەشت نەكەن كە كۆمپانیایان نییە یاخود بەناوی كەسیی لە سوشیال میدیا ریكلام دەكەن تاوەكو توشی كێشەو گرفت نەبنەوە.
بەڕێوەبەرایەتی گشتی حەج و عومرە داواشی لەهاوڵاتیان كردوە كە هەر كەسێك ویستی گەشتی عومرە بكات لەسنوری پارێزگاكەی یان ئیدارەی سەربەخۆ كە مۆڵەتی وەرگرتوە.
پێشتر لەرۆژی 19/8/2025 لیستی یەكەمی ناوی كۆمپانیا رێگەپێراوەكانی گواستنەوەی عومرەكارانی كوردستان بۆ وڵاتی عەرەبستانی سعودیە بڵاوكرایەوە رۆژی چوارشەممەش لیستی دوەمی ناوی كۆمپانیاكان بڵاوكرانەوە بڕیارە لە داهاتوشدا لیستی سێیەم بڵاوبكرێنەوە.