نەوا-
حكومەتی عێراق بڕیاریدا بڕی 500 ملیار دینار بۆ پشتیوانیكردنی جووتیاران و كەرتی كشتوكاڵ تەرخان بكات.
ئەسیر غەریری وەزیری بازرگانی عێراق ڕایگەیاند، سەرۆك وەزیران ڕەزامەندی داوە لەسەر تەرخانكردنی بڕی 500 ملیار دینار بۆ پشتیوانیكردنی جووتیاران لە سەرجەم پارێزگاكاندا و ڕوونیشیكردەوە كە ئەو هەنگاوە لە چوارچێوەی پشتیوانیكردنی جووتیاران و بەهێزكردنی كەرتی كشتوكاڵدایە.
ئاماژەی بەوەشدا، ئەم بڕیارە لەگەڵ ئاراستەكانی حكومەتدا یەك دەگرێتەوە، كە ئامانجیان بەهێزكردنی جووتیاران و دابینكردنی پێداویستییەكانی پەرەپێدانی كەرتی كشتوكاڵە، بە شێوەیەك كە ڕۆڵی هەبێت لە بەدیهێنانی ئاسایشی خۆراك و پشتیوانیكردنی ئابووریی نیشتمانی.