هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

"هێڵی سێیه‌م" له‌م ئه‌ڵقه‌یه‌یدا له‌گه‌ڵ عه‌بدولستار مه‌جید سه‌رۆكی فراكسیۆنی كۆمه‌ڵی ئیسلامی له‌ په‌رله‌مانی كوردستان، هاوكات ئه‌ندامی ئه‌نجوومه‌نی سیاسی كۆمه‌ڵ، گفتوگۆی له‌باره‌ی میكانیزم و زه‌مینه‌ی به‌ره‌نگاربوونه‌وه‌ی گه‌نده‌ڵی و به‌رنامه‌ی كۆمه‌ڵی ئیسلامی بۆ چاكسازی كرا. به‌ میوانداری د.نیاز نه‌جمه‌دین نووسه‌ر و لێكۆڵه‌ر هاوكات مامۆستای زانكۆی سلێمانی له‌ به‌شی ئابووری، گفتوگۆ كرا له‌باره‌ی سیسته‌می ئابووری هه‌رێمی كوردستان و دیدگای ئابووری نێوان پارته‌كانی ده‌سه‌ڵات و پارته‌كانی ئۆپۆزسیۆن. سه‌باره‌ت به‌ كاریگه‌ری دانانی پارێزگارێكی نوێ بۆ كه‌ركوك له‌لایه‌ن پارتی دیموكراتی كوردستان و یه‌كێتیی نیشتمانیی كوردستان و رۆڵی ئه‌و دۆسیه‌یه‌ له‌چاره‌سه‌ركردنی كێشه‌كانی كه‌ركوك، گفتوگۆ له‌گه‌ڵ مه‌لا فه‌رمان نووسه‌ر و هه‌ڵسوڕاوی بزووتنه‌وه‌ی گۆڕان كرا.