نەوا-
وەزیری دارایی عیراق سەرجەم وەزارەتەكانی راسپارد دەستبكەنەوە بە پلەبەرزكردنەوەو بەستی سەرموچەی فەرمانبەران.
بەگوێرەی راگەیەنراوێكی وەزارەتی دارایی عیراق، فالح ساری وەزیری دارایی سەرجەم وەزارەتەكانی راسپاردوە سەرموچەو پلە بەرزكردەنەوی شایستەی فەرمانبەران دەستپێبكەنەوەو رێوشوێنە كارگێڕی و دارایەكانی تایبەت بەو بابەتە جێبەجێ بكەن.
هەر لە راگەیەنراوەكەی وەزارەتی دارایی عیراقدا هاتوە دەستپێكردنەوەی سەرموچەو پلە بەرزكردنەوە لەچوارچێوەی پابەندییەكانە بەمافی فەرمانبەران و شایستەكانیان، هەروەها پەرۆشییە لەسەر پتەوكردنی سەقامگیری فەرمانبەرایەتی لە دەوڵەتدا.