نەوا-
عومەر محەمەد ئەندامی لیژنەی ئابوریی و بازرگانی لە ئەنجومەنی نوێنەرانی عیراق رایگەیاندوە: لەبەرئەوەی بودجەی پێشو بۆ ماوەی سێ ساڵ بوە كێشەی زۆری كەڵەكە كردوە لەعیراقدا، ئەو بودجەیەشی هەرێم ئامادەیكردوە زەبەلاح و گەورەیە نزیكەی 29 ترلیۆن دینارە، بەڵام ئەمە كەڵەكەبوی ئەم چەند ساڵانەی رابردوە، لەبەرئەوەی ئێستا عیراق بە قۆناغێكی قورسی ئابورییدا تێدەپەڕێت شاندی دانوستانكاری هەرێم ناتوانێت وەزارەتی دارایی و حكومەتی فیدراڵی رازی بكات بەقبوڵكردنی داواكارییەكانی، بۆیە وەفدەكەی هەرێم پێویستی بە پشتگیرییەكی سیاسی باڵا هەیە.
ئەو پەرلەمانتارە وتوشیەتی: لەساڵی 2014وە كە هەرێم بڕیاری ئابوری سەربەخۆییدا كێشەكانی نێوان هەرێم و عیراق كەڵەكەبون چارەسەرنەبونیشی بۆ نەبونی متمانە دەگەڕێتەوە هەروەها جۆرێك لە خەمساردیی تێدایە ئەم دوبەرەكیەی كوردیش كە لە هەرێم هەیە هێزی لێبڕیون ناتوانن پێكەوەبچن، لەكاتێكدا پێكهاتەكانی تر لەوێ هەمویان ئامادەن.