نەوا-
كەشناسی هەرێم كەشی پێشبینیكراوی 48 كاتژمێری داهاتو بڵاودەكاتەوە.
بەڕێوەبەرایەتی كەشناسی و بومەلەرزەزانی هەرێمی كوردستان بڵاویكردەوە، ئەمڕۆ دوشەممە 29-4 ئاسمان ساماڵ بۆ نیمچە هەور دەگۆڕێت لەگەڵ بونی كەمێك تۆز و خۆڵ، لەكاتەكانی شەودا نمەباران لەناوچە جیاجیاكان دەبارێت و لەناوچە شاخاوییەكان رێژەكەی زیاتر دەبێت، پلەكانی گەرما بە گشتی نزیك دەبێتەوە بەراورد بە تۆماركراوەكانی رۆژی یەكشەممە 28-4.
باس لەوەشكراوە، كەشی رۆژی سێشەممە 30-4 ئاسمان نیمچە هەور بۆ هەوری تەواو دەگۆرێت لەگەڵ بونی تۆز و خۆڵێكی كەم لەناوچەكانی باشوری هەرێم، لەكاتەكانی دوای نیوەڕۆ تاوە باران و بروسكە ناوچە شاخاوییەكانی باكوری رۆژهەڵات و رۆژهەڵاتی هەرێم دەگرێتەوە پاشان زۆربەی ناوچەكانی هەرێم دەگرێتەوە بەشێوەی پچرپچر، لەكاتەكانی شەودا كاریگەرییەكەی لاواز دەبێت بەڵام بەهۆی ناجێگیری بەرگە هەوای ناوچەكە بۆ رۆژانی تر دابارینی ناو بەناو بەردەوامی دەبێت.