نەوا-
بڕیارە كۆتایی ئەمساڵ كاركردن لە رێگای دووسایدی نێوان گۆمەسپان- سماقوڵی تەواوببێت.
لە راگەیەنراوێكدا پارێزگای هەولێر بڵاویكردوەتەوە، كاركردن لە پڕۆژەی دووسایدی گۆمەسپان- سماقوڵی بە كوالیتی بەرزی شەقام بەچڕی بەردەوامەو واچاوەڕوان دەكرێت لەكۆتایی مانگی 11ـی ئەمساڵ تەواو بكرێت.
ئاماژەشیكردوە، پڕۆژەی دووسایدی (گۆمەسپان- سماقوڵی) لەچوارچێوەی گەشەپێدانی بەنداوی گۆمەسپان وەك پڕۆژەیەكی ستراتیجی گەشتیاری و پەرەپێدانی ئابوری بەگوژمەی 210 ملیار دینار لەلایەن كۆمپانیایەكەوە دەست بەجێبەجێكردنی كراوە كە هەردوو پارێزگای هەولێرو سلێمانی بەیەكەوە دەبەستێتەوەو شەقامی دەوروبەری بەنداوەكەش دەگرێتەوە.
هەروەها پارێزگای هەولێر ئاماژەشیكردوە كە مەوداكەی رێگاكە 22 كیلۆمەترەو 6 ژێر پردو 3 بەرزەپرد لەخۆ دەگرێت.