نەوا-
كۆمسیۆنی باڵای سەربەخۆی هەڵبژاردنەكان سەركەوتنی قۆناغی دەنگدانی ئەزموونی راگەیاند.
عیماد جەمیل سەرۆكی تیمی راگەیاندنی كۆمسیۆنی باڵای هەڵبژاردنەكان رایگەیاند، سەركەوتووبوون لە ئەنجامدانی پرۆسەی دەنگدانی ئەزموونی و تاقیكردنەوەی ئامێرەكانی دەنگدانی ئەلیكترۆنی و كامێرای بایۆمەتری كە وێنەی دەنگدەر دەگرێت و بەراوردی دەكات بە وێنەی سەر كارتی دەنگدان.
باسی لەوەشكرد، ئامێری دەنگدانی ئەلیكترۆنی راپۆرتی خۆی بە هەردوو زمانی كوردی و عەرەبی دەنوسێت و دەینێرێت بۆ نوسینگەی نیشتمانیی كۆمسیۆن، كە ئەمەش كارئاسانییەكی زۆر لەكاتی هەژماركردنی دەنگەكان دەكات.
جەختیشیكردەوە، ئەم رێگا نوێیانەی بۆ هەڵبژاردنی ئەم جارە بەكاردەهێنرێن روونی و شەفافیەت و وردی پرۆسەكە باشتر دەكات.