نەوا-
دەستەی سەربەخۆی مافی مرۆڤ رایگەیاند، ڕێگە بەكەسوكاری شاسوار عەبدولواحید دراوە سەردانی بكەن.
دەستەی سەربەخۆی مافی مرۆڤ لەڕاگەیەندراوێكدا ئاشكرایكرد، شاندی باڵای دەستە بەسەرۆكایەتی مونا یاقۆ سەرۆكی دەستەو شاندی یاوەری سەردانی بەڕێوەبەرایەتی گرتن و گواستنەوەی سلێمانیان كرد لەنزیكەوە چاویان كەوت بە ڕاگیراو (شاسوار عەبدولواحید) كە دوێنێ لەلایەن هێزەكانی پۆلیسی سلێمانی دەستگیركرابوو، شاندەكەی دەستە گفتوگۆیان كرد لەگەڵ كرد و بەدواداچوونیان كرد بۆ كەیسەكەی و هۆكاری دەستگیركردنی.
ئاماژەی بەوەشكرد، (شاسوار عەبدولواحید) بەپێی ماددەی 431 لەیاسای سزادانی عێراقی ڕاگیراوە بەفەرمانی دادوەر و حوكمی غیابی لەسەر دراوە، لەژێر ڕێكارە یاساییەكان مامەڵەی لەگەڵ كراوە و شوێنی حەوانەوەی هیچ كێشەیەكی نیە، ڕەچاوی پێگەو تایبەتمەندی كراوە، تەندروستی تەواوە و هیچ كێشەیەكی نیە، ڕێگەش بەكەسوكارەكەی دراوە سەردانی بكەن.
وەك لە راگەیەندراوەكەی دەستەی سەربەخۆی مافی مرۆڤدا هاتووە، شاسوار عەبدولواحید داواكاری و سەرنجەكانی خۆی پێشكەشی شاندی دەستەكەیان كردووە تیمەكەشیان بەڵێناندا كە لەنزیكەوە چاودێری كەیسەكە دەكەن و چی پێویست بێ دەیكەن و بەردەوامیش دەبن لە چاودێریكردنی كەیسەكە.