نەوا-
رەزامەندی بۆ جێبەجێكردنی دوو پڕۆژە لەخورماڵ و سیروان لەسنوری بەڕێوەبەرایەتی گشتیی شارەوانییەكانی هەڵەبجە درا.
بەڕێوەبەرایەتی گشتی شارەوانییەكانی هەڵەبجە بڵاویكردوەتەوە، بەنوسراوی فەرمی ئەنجومەنی وەزیران و هەردوو وەزارەتی دارایی و پلاندانان، رەزامەندی وەرگیراوە بۆ تەرخانكردنی بودجەی پێویست بەشێوەی نەختینەیی و بەقۆناغ بۆ دروستكردنی هەردوو پڕۆژەی شەقامی 30 مەتری كەمەرەیی لە قەزایی خورماڵ و قیرتاوكردنی گەڕەكی ئازادی لە ناحیەی سیروان بۆ قۆناغی دوەم.
راشیگەیاندوە، بڕی دەرخستەی بنەڕەتی هەردوو پڕۆژەكە لە پڕۆژە بەردەوامەكانی بودجەی وەبەرهێنانی وەزارەتی شارەوانی و گەشتوگوزارە بۆ ساڵی 2025.