نێچیرڤان بارزانی سەرۆكی هەرێمی كوردستان لەگەڵ لۆكاش گیوریچ كونسوڵی گشتیی نوێی كۆماری چیك لە هەرێمی كوردستان كۆبونەوەو وێڕای پیرۆزبایی دەستبەكاربون هەمو پشتگیرییەكی بۆ سەرخستنی ئەركەكەی دوپاتكرایەوە.
بەپێی راگەیەنراوێك لە كۆبونەوەكەدا نێچیرڤان بارزانی سوپاسی هاوكارییەكانی كۆماری چیكی بۆ هەرێمی كوردستان كردوەو خواستی هەرێمی كوردستانی بۆ برەودان بە پەیوەندییەكانی لەگەڵ كۆماری چیك نیشانداوە.
لای خۆشیەوە كونسوڵی گشتی كۆماری چیك وێڕای سەركۆنەكردنی هێرشەكەی سەر كێڵگەی كۆرمۆر خۆشحاڵیی خۆی بە وەرگرتنی ئەركەكەی نیشانداوەو جەختی لە كاركردن بۆ پەرەپێدانی پەیوەندییەكانی وڵاتەكەی لەگەڵ هەرێمی كوردستان لە هەمو بوارەكاندا كردوەتەوە بەتایبەتی فراوانكردنی هاریكاریی هاوبەشی نێوانیان لە بواری ئابوریدا.