دانا عەبدولكەریم وەزیری ئاوەدانكردنەوەو نیشتەجێكردن لەمیانی بەسەركردنەوەی پڕۆژەیەكی قیرتاوكردن و كۆنكرێتكردنی رێگای گوندەكانی بناری سورێن رایگەیاند، ژمارەیەك پڕۆژەی گرنگ لەسنورەكە بەئەنجام گەیشتوەو كاركردن لە ژمارەیەك پڕۆژەش بەردەوامە، هەنگاوەكانی دوسایدی نێوان پێنجوێن-سەیدسادق دەستپێكراوەو چاوەڕوانی رەزامەندی ئەنجومەنی وەزیرانن.
وەزیری ئاوەدانكردنەوەو نیشتەجێكردن ئاماژەی بەوەشكردوە، لەكابینەی نۆیەمدا زیاتر لە 2600 كیلۆمەتر رێگایان قیرتاوكردوە بەبڕی زیاتر لە یەك تریلیۆن دینار كە بەشێكیان رێگای دوسایدی نێوان شارەكان بون، جگە لە قیرتاوكردنی رێگای زیاتر لە 320 گوند لە سەرتاسەری هەرێمی كوردستان.