نەوا-
ئیدارەی گەرمیان رایگەیاند، بەهۆی هاتنی لافاوەی چەند رۆژی رابردو رێگاوبانی بەشێك لە گوندەكانی سنوری ئیدارەی گەرمیان تێكچو، لەلایەن تیمەكانی باری لەناكاوی بەڕێوەبەرایەتی چاككردنەوەو پاراستنی رێگاوبانی گەرمیان رێگای ئەو گوندانە چاكدەكرێنەوە كە زیانیان بەركەوتوە.
بڵاویشكراوەتەوە، لەدوای لافەوەكەوە تیمەكانی چاككردنەوەو پاراستنی رێگاوبانی گەرمیان رێگای هەریەكە لە گوندەكانی پوقە، سۆفی رەحیم، وڕێڵە، ترشەكەی سەرو، ترشەكەی خوارو، زەنگەی خوارو، زەنگەی ژورو و چەند گوندێكی تریان چاككردۆتەوە.