نەوا-
دۆناڵد ترەمپ سەرۆكی ئەمریكا رایگەیاند، هیچ لێدوانێك لەسەر پلانی ئیسرائیل بۆ كۆنترۆڵكردنی تەواوی كەرتی غەزە نادات، بەڵام ئەو بڕیارەش لەلای ئیسرائیل خۆیەتی.
ترەمپ لەلێدوانێكی رۆژنامەنوانیدا سەبارەت بەپشتیوانیكردنی ئیسرائیل بۆ پلانی دوبارە كۆنترۆڵكردنەوەی غەزە رایگەیاند: ئاگادار نییە پێشنیاری ئیسرائیل لەوبارەیەوە چیە، ئەو بابەتەش بە تەواوی پەیوەندی بەو وڵاتە خۆیەوە هەیە، ئەوەی ئێستا گرنگە ئەو هەوڵانەن كە خۆراك بۆ ئەو كەسانەی لەوێن دابین دەكەن، چونكە خەڵكی غەزە لەڕوی خۆراكەوە دۆخیان باش نییە، ئێستا وەك سەرۆكی ئەمریكا سەرنجی لەسەر برسێتی خەڵكی غەزەیە.
سەرۆكی ئەمریكا راشیگەیاند، لەگەڵ ئیسرائیل كاردەكەن سەبارەت بەدابەشكردنی هاوكاری خۆراك و هەندێك دەوڵەتی عەرەبیش بەشداری دارایی لەو هاوكارییە خۆراكیانەدا دەكەن.