نەوا-
بەپێی ئامارێكی بەرێوبەرایەتی گشتی تەندروستی سلێمانی لەماوەی مانگی رابردودا لە 1 تا 31/7 لەنەخۆشخانەی منداڵبونی فریاكەوتنی فێركاری 3 هەزارو 880 نەخۆش سەردانیان كردون، لەو ژمارەیە یەك هەزارو 171 نەخۆش داخڵكراون و چارەسەری پێویستیان بۆ كراوە.
بەرێوبەرایەتی گشتی تەندروستی سلێمانی ئاماژەشیكردوە، مانگی رابردو 838 منداڵ لەنەخۆشخانەی منداڵبونی فریاكەوتنی فێركاری لەدایكبون و 417 یان كوڕبون و 421 منداڵیشیان كچ بون، لەو ژمارەیەش 473 منداڵیان بەشێوەی سروشتی لەدایكبون و 365 منداڵیش لەڕێگەی نەشتەرگەرییەوە لەدایكبون و 15 حاڵەتی لەدایكبونی دوانەش تۆماركراوە.