نەوا-
پارێزگای هەولێر بڵاویكردەوە، بەمەبەستی جوانتركردنی سیمای شارو رێكخستنەوەی شەقام و بازاڕە میللییەكان ساسان عەونی وەزیری شارەوانی و گەشتوگوزار و ئومێد خۆشناو پارێزگاری هەولێر سەرپەرشتیی كۆبونەوەیەكی تایبەتیان كردوە.
ئەوەش خراوەتەڕو، لە كۆبونەوەكەدا جەخت لەسەر دوبارە رێكخستنەوەی شەقام و بازاڕو شوێنە گشتییەكان و پاكوخاوێنی شارو كەمكردنەوەی جەنجاڵی كراوەتەوە، هەروەها جەخت لەسەر داڕشتنی پلان و نەخشەیەكی تایبەت سەبارەت بە ناونیشانی نامۆو زمانی بیانی لەسەر تابلۆی دوكان و شوێنە گەشتیارییەكان كرایەوە كە پێویستە بەزوترین كات بكرێنە زمانی كوردی كە خواردنگەو پسوڵەی چێشتشخانەكانیش بگرێتەوە.
ئاماژەشكراوە هەر لەو كۆبونەوەیەدا باس لە پێویستی هاوكاری و هەماهەنگیی نێوان لایەنە پەیوەندیدارەكان بۆ رێكخستنەوەی شەقامەكان و بازارەكان كراوەتەوەو بڕیار دراوە چەند هەنگاوێكی كرداری بگیرێتەبەر بەبێ زیانگەیاندن بە كارو بژێوی هاوڵاتیان.