نەوا-
وەزارەتی كارو كاروباری كۆمەڵایەتی لە رونكردنەوەیەكدا بێئاگایی خۆی لەو پەیوەندیە تەلەفۆنیانە راگەیاند كە بۆ كەسوكاری خاوەن پێداویستییە تایبەتەكان دەكرێت.
وەزارەتی كارو كاروباری كۆمەڵایەتی بڵاویكردوەتەوە، ماوەی چەند رۆژێكە ژمارەیەكی نەناسراو بەناوی چاودێری كۆمەڵایەتی و وەزارەتیانەوە پەیوەندی بەخانەوادەی خاوەن پێداویستی تایبەتەكان دەكات بەمەبەستی دابینكردنی موچەی كەمئەندامی و چاودێری كۆمەڵایەتی و چەندانی زانیاری تر كە بەداخەوە ژمارەیەك هاوڵاتی زەرەرمەندی ئەم فێڵكردنە بونەتەوە.
وەزارەتی كارو كاروباری كۆمەڵایەتی راشیگەیاندوە، ئاگاداری ئەم بابەتە نین و بەشێكە لە فێڵكردن لەكاتی پێویستداو لە رێگا فەرمییەكانەوە خزمەتگوزاری و ئاگادارییەكانیان بڵاودەكەنەوە، بەرامبەر بەم فێڵكردنەی ئەم گروپانەش رێكاری یاسایی دەگرنەبەر.