نەوا-
دوای چەندین كۆبونەوە بەرپرسانی عیراق بەڵێندراوە بەكردنەوەی بازگەی باوە مەحمودو چارەسەركردنی كێشەی شۆفێرانی گەرمیان.
بڕیار رەشید ئەندامی ئەنجومەنی نوێنەرانی عیراق بڵاویكردوەتەوە، لەگەڵ بەڕێوەبەری گشتی گومرگی عیراق بەمەبەستی كردنەوەی بازگەی باوە مەحمود كۆبونەتەوەو باسیان لەو هەوڵانە كردوە كە بۆ چارەسەركردنی گرفتی رێگرییەكانی بازگەی باوە مەحمود دراون هەر لە كۆكردنەوەی ئیمزای پەرلەمانتاران و پێشكەشكردنی بە محەمەد شیاع سودانی سەرۆك وەزیرانی عیراق تا دواتر سەردانی مەیدانی و كۆبونەوە لەگەڵ بەشێك لە شۆفێرانی گەرمیان.
بڕیار رەشید راشیگەیاندوە، لەئەنجامی سەرجەم هەوڵەكان بۆ چارەسەری ئەو گرفتە بەڵێندراوە بەهەڵگرتنی رێگرییەكان لە بازگەی باوە مەحمودو دەستكردنەوە بەتێپەڕبونی بارهەڵگرەكان، تەنها پێویستی لەئێستادا دروستكردنی باڵەخانەی گونجاوە بۆ بازگەكە بۆ ئەو مەبەستەش لەگەڵ پارێزگای دیالە لەهەوڵدان.