نەوا-
وەزارەتی پەروەردەی هەرێمی كوردستان وادەی دەستبەكاربونەوەی مامۆستایانی حكومیی راگەیاند.
لە نوسراوێكدا كە ئیمزای ئالان حەمە سەعید وەزیری پەروەردەی لەسەرە تیایدا هاتوە كە رۆژی دووشەممە 1/9 رۆژی دەستبەكاربونەوەی مامۆستایانی ناوەندەكانی حكومییە.
ئاماژەشیكردوە، ئەو مامۆستایانەی راسپێردراون بە ئەرك لە تاقیكردنەوە گشتییەكانی خولی دووەمی پۆلی 12ی ئامادەیی و لەو رۆژەدا لە ئەركدان بە پرۆسەی بەڕێوەبردن و چاودێریكردنی هۆڵەكانی تاقیكردنەوە، هەمان رێكەوتی ئاماژەپێدراویان بۆ دەكرێت بە رۆژی دەستبەكاربون.