نەوا-
ئەندامێكی ئەنجومەنی نوێنەرانی عیراق رایگەیاند، گفتوگۆی نێوان حكومەتی هەرێم و بەغدا بەردەوامەو لێكنزیكبونەوەی باش لەنێوانیادا هەیە.
ڤیان سەبری ئەندامی ئەنجومەنی نوێنەرانی عیراق رایگەیاند، گفتوگۆی نێوان هەرێم و بەغدا بەردەوامەو لێكنزیكبونەوەی باش هەیە لەسەر داهاتی نەوتی و نانەوتی و هەرێم پابەندی سەرجەم ئەو ئەركانە بوە كە لەسەر شانی بوە پێویستە حكومەتی عیراقیش بە هەمانشێوە پابەند بێت بۆ ئەوەی كێشەی موچە بە تەواوی چارەسەر ببێت، چونكە پێویستە كێشەكان بەپێی یاساو دەستور چارەسەر بكرێن و حكومەتی هەرێمی كوردستان هەمیشە جەخت لە جێبەجێكردنی یاساو دەستور دەكاتەوە.
سەبری راشیگەیاندوە، حكومەتی هەرێم نیازپاكی خۆی نیشانداوە بۆ جێبەجێكردنی هەرچی ئەركەو چاوەڕێ دەكرێت عیراقیش بە هەمان شێوە ئەركەكانی خۆی جێبەجێ بكات و مانگانە موچە رەوانە بكات چیتر نەبێتە گرفت.