نەوا-
بەڕێوەبەرایەتی گشتی ئاسایشی هەولێر رایگەیاند، هەڵدەستن بە لەناوبردن و سوتاندنی نزیكەی دوو تۆن مادەی هۆشبەر.
لە راگەیەنراوێكدا بەڕێوەبەرایەتی گشتی ئاسایشی هەولێر بڵاویكردوەتەوە، لیژنەی لەناوبردنی مادە هۆشبەرەكان هەڵدەستێت بە لەناوبردن و سوتاندنی بڕی یەك تۆن و 875 كیلۆو 646 گرام لەمادەی هۆشبەری جۆراوجۆر بەسێ قۆناغ.
راشیگەیاندەوە، لە قۆناغی یەكەمدا دەستكرا بەلەناوبردن و سوتاندنی بڕی 640 هەزارو 547 گرام مادەی هۆشبەری جۆراوجۆر لەگەڵ كەلوپەلی بەكارهێنانی ماددەكە.
بەڕێوەبەرایەتی گشتی ئاسایشی هەولێر ئاماژەشیكردوە ئەو مادە هۆشبەرانە لەماوەی رابردودا لەلایەن بەڕێوەبەرایەتییەكەیانەوە دەستیان بەسەردا گیرابو و كەیسەكانیان لەلایەن دادگاوە یەكلایی كراونەتەوەو پلەی بنبڕیان وەرگرتوە.